ڈیرہ اسماعیل خان میں خوفناک ٹریفک حادثہ، 6 خواتین سمیت 10 افراد جاں بحق، 15 زخمی

ڈی آئی خان (توقیر حسین زیدی) ڈیرہ اسماعیل خان ٹریفک کے المناک حادثے میں 10 افراد جاں بحق اور 15 زخمی ہوگئے۔ حادثہ مسافر بس کی ٹرک کے ساتھ ٹکر سے پیش آیا۔

تفصیلات کے مطابق خیبر پختونخوا کے ضلع ڈیرہ اسماعیل خان میں انڈس ہائی وے پر تحصیل پروآ کی حدود میں میرن کے قریب کہیری ڈرین کے قریب مسافر بس اور ٹرالر کے درمیان خوفناک تصادم ہوا، جس کے نتیجے میں 10 مسافر جاں بحق اور 15 زخمی ہوگئے۔ مسافر بس مردان جارہی تھی۔

حادثے کے فوری بعد پولیس اور امدادی ٹیمیں موقع پر پہنچ گئیں۔ جاں بحق اور زخمی ہونیوالوں کو ہسپتال منتقل کیا گیا۔ جاں بحق اور زخمی ہونیوالوں میں خواتین بھی شامل ہیں۔

ہسپتال انتظامیہ کے مطابق حادثے میں جاں بحق ہونے والوں میں جمال، مستان، زینب کا تعلق صوابی اور خسیب، نائیلہ، رومانیہ، غزالہ، علیم گل کا تعلق کراچی ایک نامعلوم شخص کا تعلق لکی مروت جبکہ ایک شخص کی شناخت نہ ہو سکی۔