ڈیرہ اسماعیل خان میں دہشت گردوں کی فائرنگ سے سیکورٹی فورسز کا اہلکار ہلاک

اسلام آباد (ش ح ط) صوبہ خیبر پختونخوا کے ضلع ڈیرہ اسماعیل خان میں دہشت گردوں کی فائرنگ سے سیکیورٹی فورسز کا ایک اہلکار ہلاک ہوگیا ہے۔

ڈیرہ اسماعیل خان کے علاقے درازندہ میں الحاج گیس اینڈ آئل پرائیویٹ لمیٹڈ کمپنی کی حفاظت پر مامور سیکیورٹی اہلکار کو نامعلوم مسلح افراد نے گولی مار کر ہلاک کردیا۔#DIKhan #Pakistan

— Shabbir Hussain Turi (@ShabbirTuri) January 14, 2024

پولیس حکام کے مطابق درازندہ میں الحاج گیس اینڈ آئل پرائیویٹ لمیٹڈ کمپنی کی حفاظت پر مامور سیکیورٹی فورسز کے اہلکارمحمد یوسف خٹک کو اس وقت گولی مار کر ہلاک کر دیا گیا جب وہ پانی لے جارہا تھا۔

پولیس حکام نے ڈیلی اردو کو بتایا کہ بظاہر لگتا ہے کہ حملہ آور موٹر سائیکل پر سوار تھے اور واردات کے بعد فرار ہونے میں کامیاب ہو گئے۔

پولیس کا کہنا تھا کہ واقعے کی اطلاع ملتے ہی پولیس کی بھاری نفری جائے وقوعہ پہنچ گئی اور آس پاس کے علاقوں میں بڑے پیمانے پر سرچ آپریشن کا آغاز کر دیا گيا ہے۔

پاکستان میں کالعدم تنظیم تحریک طالبان پاکستان (ٹی ٹی پی) کے ترجمان نے سیکورٹی فورسز کے اہلکار پر حملے کی ذمہ داری قبول کی۔