ڈیرہ اسماعیل خان میں سیکورٹی فورسز کا آپریشن، تی ٹی پی کے 22 شدت پسند ہلاک

راولپنڈی (ک م) پاکستان کے شورش زدہ صوبے پختونخوا کے ضلع ڈیرہ اسماعیل خان میں سکیورٹی فورسز نے انٹیلی جنس بیسڈ آپریشن کرتے ہوئے کالعدم تحریک طالبان پاکستان گنڈا پور گروپ کے 22 شدت پسندوں کو ہلاک کردیا گیا ہے۔

پاکستانی فوج کا کہنا ہے کہ اس نے خیبر پختونخوا کے ضلع ڈیرہ اسماعیل خان میں ایک کارروائی میں 22 شدت پسندوں کو ہلاک کیا ہے۔

جمعرات کو ایک بیان میں پاکستانی فوج کے شعبہ تعلقات عامہ (آئی ایس پی آر) کا کہنا تھا کہ 26 نومبر کو ایک انٹیلیجنس بیسڈ آپریشن میں فائرنگ کے شدید تبادلے کے بعد 22 شدت پسندوں کو ہلاک کیا گیا ہے۔

پاکستانی وزیرِ اعظم نے ڈیرہ اسماعیل خان میں سکیورٹی فورسز کی کارروائی کو سراہتے ہوئے کہا ہے کہ: ’ ملک سے ہر قسم کی دہشت گردی کے مکمل خاتمے کے لئے پر عزم ہیں۔‘

ڈیلی اردو کو حکام نے بتایا ہے کہ ہلاک ہونے والے شدت پسندوں کا تعلق کالعدم تحریکِ طالبان پاکستان کے گنڈاپور گروپ سے تھا۔