ڈیرہ اسماعیل خان میں نامعلوم افراد کی فائرنگ سے پولیس اہلکار ہلاک

ڈی آئی خان (بیورو رپورٹ) خیبرپختونخوا کے ضلع ڈیرہ اسماعیل خان میں نامعلوم افراد کی فائرنگ سے پولیس اہلکار ہلاک ہوگئے۔

تفصیلات کے مطابق یہ واقعہ ڈیرہ اسماعیل خان کے تحصیل درابن کے جوڈیشنل کمپلس کے قریب سگو میں پیش آیا، دہشت گردوں کی فائرنگ سے ہلاک ہونے والے پولیس اہلکار کی شناخت سمیع اللہ کے نام سے ہوئی۔

ریسکیو اہلکاروں نے پولیس اہلکار کی لاش کو پوسٹمارٹم کیلئے ہسپتال منتقل کردیا جبکہ واقعے کی تحقیقات اور ملزمان کی گرفتاری کےلیے کارروائی کا آغاز کردیا۔

ادھر پولیس کانسٹیبل سمیع اللہ کی نماز جنازہ اعجاز شہید پولیس لائن ڈیرہ میں سرکاری اعزاز کےساتھ ادا کردی گئی۔

تھانہ درابن کی حدود میں شہید ہونیوالے پولیس کانسٹیبل سمیع اللہ کی نماز جنازہ سرکاری اعزاز کے ساتھ ادا کر دی گئی۔

شہید کی نماز جنازہ میں ڈپٹی کمشنر ڈیرہ، ڈی پی او ڈیرہ سمیت دیگر پولیس افسران وجوانوں اور شہید کے لواحقین نے شرکت کی۔ شہداء کے فیملیز کو کسی صورت تنہاء نہیں چھوڑیں گے۔ pic.twitter.com/fe5wt63kAr

— KP Police (@KP_Police1) September 11, 2023

یاد رہے کہ آج خیبرپختونخوا کے دارالحکومت پشاور میں ورسک روڈ پر ایف سی کی گاڑی کے قریب ہوا دھماکا ہوا ہے۔ حکام کے مطابق دھماکے میں ایک ہلکار ہلاک جبکہ 7 افراد زخمی ہوگئے، زخمیوں میں 5 سیکیورٹی اہلکار اور 2 شہری شامل ہیں۔