کانگو میں اقوام متحدہ کے امن مشن کا ہیلی کاپٹر تباہ، پاکستانی افسران سمیت 8 اہلکار ہلاک

نیو یارک + راولپنڈی (ڈیلی اردو) اقوام متحدہ امن مشن کانگو میں پاکستانی فوج کا ہیلی کاپٹر گر کر تباہ ہوگیا۔

پاکستانی فوج کے شعبہ تعلقات عامہ (آئی ایس پی آر) کے مطابق پاکستان ایوی ایشن یونٹ کو یو این امن مشن کانگو میں حادثہ پیش آیا ہے۔

آئی ایس پی آر کے مطابق امن مشن کا پوما ہیلی کاپٹر گر گیا جس کے نتیجے میں 6 پاکستانی افسران و جوان ہلاک ہوئے۔

ترجمان پاکستانی فوج کے مطابق لیفٹیننٹ کرنل آصف علی اعوان، پائلٹ میجر سعد نعمانی، معاون پائلٹ میجر فیضان علی، فلائٹ انجینئر سمیع اللہ خان، حوالدار محمد اسماعیل، لانس حوالدار محمد جمیل بھی ہلاک ہونے والوں میں شامل ہیں۔

جبکہ حادثے میں کریو چیف حوالدار محمد اسماعیل اور گنر لانس حوالدار محمد جمیل بھی ہلاک ہوگئے۔

آئی ایس پی آر کے مطابق امن مشن ہیلی کاپٹر کے حادثے میں مجموعی طور پر 8 افراد ہلاک ہوئے۔

آئی ایس پی آر کے بیان میں کہا گیا ہے کہ حادثے کی اصل وجہ کا ابھی تک پتہ نہیں چل سکا۔

آئی ایس پی آر کے مطابق پاک ایوی ایشن یونٹ یو این امن مشن کانگو میں 2011 سے تعینات ہے اور پاکستان عالمی امن و سلامتی کیلئے یو این امن مشنز میں اہم کردار ادا کر رہا ہے۔