کراچی میں دہشتگرد حملے میں زخمی پولیس کانسٹیبل اصغر علی ہسپتال میں دم توڑ گیا

کراچی (ڈیلی اردو) صوبہ سندھ کے صوبائی حکومت کراچی کے علاقے کورنگی میں گزشتہ صبح موٹر سائیکل سوار دہشت گردوں کی فائرنگ سے شدید زخمی ہونے والا پولیس کانسٹیبل اصغر علی ہسپتال میں دم توڑ گیا، پولیس نے لاش مردہ خانے منتقل کر دی۔

اناءالللہ واناالہ راجعون

شہید ہیڈ کانسٹیبل اصغر کے جسد خاکی کو چھیپا سردخانہ سے پولیس افسران کے ہمراہ شہید کے گھر روانہ کیا جارہا ہے۔دوپہر 2 بجے گارڈن پولیس ہیڈ کواٹر میں نماز جنازہ ادا کی جائے گی

اللہ پاک شہید کے درجات کو بلند کرے اور انکے لواحقین کو صبر و استقامت عطاء کرے۰ pic.twitter.com/xWG5hYBfma

— Muhammad Ramzan Chhipa (@RamzanChhipa) July 13, 2020

پولیس ترجمان کا کہنا ہے کہ فرض کی راہ میں اپنی جانوں کا نذرانہ پیش کرنے والے پولیس کے بہادر جوانوں کو سلام پیش کرتے ہیں۔

کراچی کے ضلع کورنگی کے علاقے عوامی کالونی میں گذشتہ روز ڈیوٹی پر جاتے ہوئے اسٹیڈیم کے قریب نامعلوم دہشت گردوں کی فائرنگ سے ہیڈ کانسٹیبل اصغر شدید زخمی ہوا تھا، حملے کے بعد دہشت گرد زخمی اصغر علی کا پستول بھی چھین کر لے گئے تھے۔

پولیس ترجمان کے زخمی اہلکار کو طبی امداد کے لیے فوری طور پر ہسپتال منتقل کیا گیا تھا جہاں اسے بہترین طبی امداد دی گئی تاہم دوران علاج زخموں کی تاب نہ لاتے ہوئے  ہیڈ کانسٹیبل اصغر نے آج دوران علاج ہسپتال میں دم توڑ گیا، اصغر علی تھانہ زمان ٹاؤن میں تعینات تھا۔