کراچی میں سندھ رینجرز کی کارروائی، کالعدم تحریک طالبان پاکستان کا مطلوب دہشت گرد گرفتار

کراچی (ڈیلی اردو) سندھ رینجرز نے کراچی کے علاقے اتحاد ٹاؤن میں کارروائی کرتے ہوئے کالعدم تحریک طالبان پاکستان (ٹی ٹی پی) کے انتہائی مطلوب دہشت گرد کو گرفتار کرلیا۔

تفصیلات کے مطابق ترجمان رینجرز نے بتایا کہ گرفتار دہشت گرد عبدالغفار عرف امجد کالعدم تحریک طالبان پاکستان (ٹی ٹی پی) کے کمانڈر محمد علی عرف مفتی خالد کا قریبی ساتھی ہے۔

مزید بتایا کہ گرفتار دہشت گرد 2011 میں عبداللہ شاہ غازی کے مزار پر حملہ کرنے والوں کا ماسٹر مائنڈ تھا، جس میں 2 پولیس اہلکار ہلاک اور متعدد افراد زخمی ہوگئے تھے۔

ملزم عبدالغفار 2011 کے بعد خیبرپختونخوا میں روپوش تھا، وہ کراچی میں دوبارہ دہشت گردی کانیٹ ورک منظم کرنے آیا تھا۔