کرم: سینٹرل کرم میں چیک پوائنٹ پر حملہ، 4 ایف سی اہلکار ہلاک، 8 زخمی

واشنگٹن (ش ح ط) صوبہ خیبرپختونخوا کے قبائلی ضلع کرم میں سکیورٹی چیک پوائنٹ پر شدت پسندوں کے حملے کے نتیجے میں فرنٹیئر کور کے 4 اہلکار ہلاک اور 8 زخمی ہوگئے.

سیکورٹی ذرائع کے مطابق صبح کے وقت سینٹرل کرم کے علاقے چنارک کے قریب ٹکرے پٹی میں فرنٹیئر کور کے ایک چیک پوائنٹ پر شدت پسندوں نے بھاری ہتھیاروں سے حملہ کیا۔

ذرائع نے بتایا کہ شدت پسندوں کے حملے کے نتیجے میں 4 ایف سی اہلکار ہلاک ہوگئے جن میں عامر، اکرم، جابر اور سلیمان شامل ہیں۔ جبکہ زخمیوں میں عرفان، ناصر، حسن، مسعود، رحمت اللہ، مراد، نصرخان اور سلیمان شامل ہیں۔

پولیس ذرائع نے ڈیلی اردو کو بتایا کہ سینٹرل کرم میں سیکورٹی فورسز نے مختلف علاقوں میں شدت پسندوں کے سہولت کاروں کے گھر نذراتش کردئیے۔

واقعے کی اطلاع ملتے ہی ملحقہ علاقوں میں تعینات فرنٹیئر کور اور دیگر قانون نافذ کرنے والے اداروں کے اہلکاروں نے زخمی اہلکاروں کو ہسپتال منتقل کر دیا۔

پاکستان فوج کے شعبہ تعلقاتِ عامہ (آئی ایس پی آر) نے تاحال اس واقعے پر کوئی بیان جاری نہیں کیا، تاہم مقامی پولیس نے اس واقعے کی تصدیق کی ہے۔

دوسری جانب کالعدم تنظیم تحریک طالبان پاکستان نے اس حملے کی ذمہ داری قبول کی ہے۔