کرم میں سیکورٹی فورسز کا آپریشن، مفتی شاہ نواز اور حاجی کریم سمیت 85 دہشت گرد گرفتار

پشاور (ڈیلی اردو) صوبہ خیبر پختونخوا کے قبائلی ضلع کرم کی تحصیل لوئر جرم میں دہشت گردوں کے خلاف سیکیورٹی فورسز نے گرینڈ آپریشن کیا۔

ضلعی انتظامیہ کے مطابق آپریشن میں دہشتگردوں اور سہولت کاروں سمیت 85 افراد گرفتار کر لیے گئے جبکہ پاراچنار جانے والی کانوائے سے لوٹا گیا سامان بھی برآمد کیا گیا۔

پولیس حکام کے مطابق گرفتار دہشت گردوں میں مفتی شاہ نواز اور حاجی کریم بھی شامل شامل ہے۔

حکام کا کہنا ہے کہ پشاور سمیت دیگر علاقوں سے بھی گرفتاریوں کا عمل جاری ہے، پانچ ماہ سے راستوں کی بندش کے باعث پانچ لاکھ آبادی کا علاقہ محصور ہے۔

دوسری جانب سماجی رہنماؤں نے بتایا کہ رمضان کے لیے لائے جانے والاسامان بگن مندوری میں لوٹا گیا، انہوں نے مطالبہ کیا کہ عوام کے لیے خوراک و علاج کا بندوبست کیا جائے، کانوائے کی لوٹ مار سے متاثر ہونے والے تاجروں کے نقصانات کا ازالہ کیا جائے۔