کرک میں پولیس اور طالبان کے درمیان فائرنگ، ڈی ایس بی انچارج سمیت تین اہلکار زخمی

کرک (نمائندہ ڈیلی اردو)  پاکستان کے شورش زدہ صوبے خیبر پختونخوا کے ضلع کرک میں پولیس اور دہشت گردوں کے درمیان فائرنگ کے تبادلوں میں ڈی ایس بی انچارج سمیت تین پولیس اہلکار زخمی ہو گئے۔

پولیس کے مطابق فائرنگ کا واقعہ کرک کے علاقے امبیری کلہ کے قریب پیش آیا، جہاں گشت کے دوران پولیس پارٹی کو دہشت گردوں کی موجودگی کی اطلاع ملی۔ اس دوران دونوں جانب سے شدید فائرنگ کا سلسلہ شروع ہو گیا۔

واقعے میں ڈی ایس بی انچارج اختر حیات، کانسٹیبل نجیب اللہ اور مجاہد زخمی ہوئے، جنہیں فوری طور پر قریبی اسپتال منتقل کیا گیا۔ اسپتال ذرائع کے مطابق زخمی اہلکاروں کی حالت خطرے سے باہر ہے۔

فائرنگ کے بعد دہشت گرد موقع سے فرار ہونے میں کامیاب ہوگئے۔ پولیس نے علاقے کو گھیرے میں لے کر سرچ آپریشن شروع کر دیا ہے۔

دوسری جانب پاکستانی طالبان نے حملے کی ذمہ داری قبول کرنے کا دعوی کیا ہے