کشمیر میں مظالم چلتے رہے تو سنگین نتائج برآمد ہونگے: وزیراعظم عمران خان

اسلام آباد (ڈیلی اردو) وزیراعظم عمران خان کہتے ہیں کہ میں دنیا کو خبردار کرتا ہوں اگر مقبوضہ کشمیر میں یہ مظالم چلتے رہے تو بھیانک نتیجہ آسکتا ہے۔

یوم سیاہ پر وزیر اعظم عمران خان نے ٹوئٹر پیغام میں لکھا کہ اگر ایسا ہوا تو مسلم دنیا سے شدید ردعمل آئے گا جبکہ انتہاء پسندی کو ہوا ملے گی اور تشدد کا نیا دور ابھرے گا۔

وزیراعظم نے لکھا کہ مقبوضہ کشمیر میں 12 دن سے کرفیو ہے اور آر ایس ایس کےغنڈے مسلط ہیں۔ کیا دنیا اسی طرح خاموشی سے ظلم کو دیکھتی رہے گی؟

In IOK, 12 days of curfew, presence of extra troops in an already heavily militarized occupied territory, sending in of RSS goons, complete communication blackout; with the example of Modi's earlier ethnic cleansing of Muslims in Gujarat

— Imran Khan (@ImranKhanPTI) August 15, 2019

انہوں نے مزید لکھا کہ گجرات میں مودی کے ہاتھوں مسلمانوں کی نسل کشی کی مثال سامنے ہے۔ کیا عالمی برادری مقبوضہ کشمیر میں بھی اسی طرح کی خونریزی اور نسل کشی خاموش تماشائی کی طرح دیکھے گی؟

وزیراعظم نے کہا کہ بارہ دن سے مقبوضہ کشمیر میں کرفیو ہے اور وادی سے ہر قسم کا رابطہ منقطع ہے۔ وادی میں بھاری فوجی نفری سمیت آر ایس ایس کے غنڈے بھی تعینات ہیں۔

Will world silently witness another Srebrenica-type massacre & ethnic cleansing of Muslims in IOK? I want to warn international community if it allows this to happen, it will have severe repercussions & reactions in the Muslim world setting off radicalisation & cycles of violence

— Imran Khan (@ImranKhanPTI) August 15, 2019

واضح رہے کہ دنیا بھر میں کشمیری اور پاکستانی عوام آج بھارت کا یوم آزادی یوم سیاہ کے طور پر منا رہے ہیں۔

دوسری جانب پاکستان کی درخواست پر سلامتی کونسل نے مقبوضہ وادی کی موجودہ صورتحال پر کل اجلاس طلب کرلیا ہے۔