کوئٹہ: بلوچ لبریشن آرمی نے چیک پوسٹ پر حملے کی ذمہ داری قبول کرلی

کوئٹہ (ڈیلی اردو) گذشتہ رات نامعلوم افراد نے بلوچستان کے صوبائی دارالحکومت کوئٹہ میں ایف سی کے پوسٹ کو دستی بم حملے میں نشانہ بنایا اور فرار ہوگئے۔ سرکاری حکام کے مطابق حملے میں ایک فرنٹیئر کور اہلکار زخمی ہوا ہے۔

حملے کی ذمہ علیحدگی پسند تنظیم بلوچ لبریشن آرمی نے قبول کرلی ہے۔ بی ایل اے کے ترجمان جیئند بلوچ نے نامعلوم مقام سے بیان جاری کرتے ہوئے کہا ہے کہ بلوچ لبریشن آرمی کے سرمچاروں نے گذشتہ رات کوئٹہ میں سریاب فلائی اور پر قائم فرنٹیئر کور کے چیک پوسٹ کو دستی بم حملے میں نشانہ بنایا جس کے نتیجے میں ایک اہلکار زخمی ہوا جبکہ پوسٹ کو نقصان پہنچا۔

خیال رہے رواں مہینے بولان کے علاقے مارگٹ میں سیکیورٹی فورسز پر بم حملے اور خضدار میں حکومتی حمایت یافتہ شخص کے گھر پر دستی بم حملوں کی ذمہ داری بھی بلوچ لبریشن آرمی قبول کرچکی ہے۔