کوئٹہ: سریاب روڈ پر فائرنگ، سی ٹی ڈی اہلکار ہلاک

کوئٹہ (ڈیلی اردو) کوئٹہ کے علاقے سریاب روڈ جنگل باغ میں نامعلوم افراد کی فائرنگ سے کاؤنٹر ٹیررازم ڈیپارٹمنٹ (سی ٹی ڈی) کا اہلکار ہلاک ہو گیا۔

پولیس ذرائع کے مطابق فائرنگ کا واقعہ اتوار کی صبح پیش آیا، جس میں سی ٹی ڈی سے تعلق رکھنے والے اہلکار امجد ابابکی نشانہ بنے۔ حملے کے بعد پولیس اور امدادی ٹیمیں جائے وقوعہ پر پہنچیں اور ہلاک اہلکار کی لاش کو سول اسپتال منتقل کیا گیا۔

پولیس کا کہنا ہے کہ حملہ آور موقع سے فرار ہونے میں کامیاب ہو گئے جبکہ واقعے کی تحقیقات شروع کر دی گئی ہیں۔

ابتدائی طور پر یہ واضح نہیں ہو سکا کہ حملے کا محرک کیا تھا، تاہم پولیس نے علاقے میں سرچ آپریشن شروع کر دیا ہے۔