کوئٹہ: پولیس موبائل پر دستی بم حملہ، 3 اہلکاروں سمیت 7 افراد زخمی

کوئٹہ (ڈیلی اردو) اسپنی روڈ پر پولیس موبائل پر دستی بم حملے کے نتیجے میں 3 پولیس اہلکاروں سمیت 7 افراد زخمی ہو گئے۔

پولیس کے مطابق خروٹ آباد تھانے کی موبائل اسپنی روڈ پر گشت کر رہی تھی کہ نامعلوم شرپسندوں نے پولیس موبائل پر دستی بم پھینکا جو موبائل کے عقبی حصے میں گر کر پھٹ گیا۔

#At least seven people including three cops were injured in a hand grenade attack on patrolling vehicle of police near #RBC at Spinny Road #Quetta #Balochistan

— ???????? (@Info_Balochistn) November 12, 2020

دستی بم حملے کے نتیجے میں موبائل میں سوار 3 پولیس اہلکار سعادت اللہ، زوہیب ارشد، دلاور خان اور 2 راہگیر محمد اسماعیل اورعصمت اللہ زخمی ہوگئے جنہیں طبی امداد کیلئے سول ہسپتال کوئٹہ منتقل کر دیا گیا جہاں ان کی حالت خطرے سے باہر بتائی جاتی ہے۔

وزیراعلیٰ بلوچستان جام کمال خان نے اسپنی روڈ پر پولیس موبائل پر دستی بم حملے کی شدید الفاط میں مذمت کی ہے۔

جام کمال خان نے متعلقہ حکام کو زخمیوں کو بہترین طبی امداد فراہم کرنے کی ہدایت بھی کی۔