کورونا سے پاکستان میں ایک روز میں 135 اموات

اسلام آباد (ڈیلی اردو) پاکستان میں گزشتہ چوبیس گھنٹوں کے دوران کرونا کے شکار 135 مریض دم توڑ گئے ہیں جب کہ چار ہزار سے زائد افراد میں وائرس کی تشخیص ہوئی ہے۔

نیشنل کمانڈ اینڈ آپریشن سینٹر (این سی او سی) نے پاکستان میں رمضان کے حوالے سے خصوصی ہدایات جاری کر دی ہیں۔

NCOC issues NPIs for Ramazan ul Mubarak. Please follow SOPs to stay safe! pic.twitter.com/GUYjhzUQIZ

— NFRCC (@NFRCCofficial) April 13, 2021

این سی او سی کے اجلاس کے بعد جاری ہدایات کے مطابق ملک بھر کاروباری مراکز رمضان میں سحر سے شام چھ بجے تک کھولنے کی اجازت ہو گی۔

اسی طرح ہر قسم کی ان ڈور سرگرمیوں پر بھی مکمل طور پر پابندی عائد کی گئی ہے۔

رمضان کے دوران نمازِ تراویح کھلی جگہ پر ادا کرنے کے احکامات جاری کیے گئے ہیں۔

مزارات اور سینما گھروں کی بندش بدستور برقرار رکھی گئی ہے۔

این سی او سی کے اجلاس میں ہفتے اور اتوار کو ملک بھر میں کاروباری سرگرمیاں بند رکھنے کا فیصلہ گیا گیا۔ ان دو دنوں میں بین الصوبائی ٹرانسپورٹ بھی معطل رہے گی۔

اسی طرح ریل گاڑیوں میں 70 فی صد سیٹوں کی بکنگ کی جائے گی۔ جب کہ محکمہ ریلوے اضافی ٹرینیں بھی چلائے گا۔