ہم دشمن کو چھپ کر نہیں، للکار کر مارتے ہیں، پاکستانی فیلڈ مارشل عاصم منیر

اسلام آباد (نمائندہ ڈیلی اردو) پاکستان کے چیف آف ڈیفنس فورسز اور فیلڈ مارشل عاصم منیر نے کہا ہے کہ دہشت گردی پاکستان کا نہیں بلکہ انڈیا کا وتیرہ ہے، ہم دشمن کو چھپ کے نہیں للکار کر مارتے ہیں۔ وہ اسلام آباد میں قومی علماء و مشائخ کانفرنس سے خطاب کر رہے تھے۔

فیلڈ مارشل عاصم منیر نے کہا کہ ریاستِ طیبہ اور ریاست پاکستان کا ایک گہرا تعلق ہے، اور اللہ نے تمام مسلم ممالک میں سے محافظینِ حرمین کا شرف پاکستان کو عطا کیا۔ ان کا کہنا تھا کہ سعودی عرب کے ساتھ دفاعی معاہدہ تاریخی نوعیت کا ہے۔

انہوں نے مزید کہا کہ جس قوم نے علم اور قلم کو چھوڑا، وہاں انتشار اور فساد نے جگہ لی۔ ان کے مطابق عزت اور طاقت تقسیم سے نہیں، محنت اور علم سے حاصل ہوتی ہے۔

فیلڈ مارشل عاصم منیر نے واضح کیا کہ اسلامی ریاست میں ریاست کے علاوہ کوئی جہاد کا حکم نہیں دے سکتا۔ عزت اور طاقت تقسیم سے نہیں ، محنت اور علم سے حاصل ہوتی ہے۔۔

 انہوں نے علماء پر زور دیا کہ وہ قوم کو متحد رکھیں اور معاشرے میں برداشت اور وسعت نظری پیدا کرنے میں اپنا کردار ادا کریں۔

انہوں نے اپنے خطاب کے اختتام پر کہا: "پاکستان ہمیشہ زندہ باد"۔