ہم نے دہشت گردی کا خاتمہ کیا، پی ٹی آئی دور میں انہیں دوبارہ لاکر بسایا گیا، خواجہ آصف

اسلام آباد (ڈیلی اردو رپورٹ) وزیر دفاع خواجہ محمد آصف نے دعویٰ کیا ہے کہ پاکستان نے دہشت گردی کا خاتمہ کیا تھا، لیکن پی ٹی آئی کے دور حکومت میں افغانستان سے دہشت گردوں کو واپس لاکر ملک میں بسایا گیا، جس کے نتیجے میں آج دوبارہ ملک بھر میں بے چینی کی فضا پیدا ہو چکی ہے۔

ذرائع کے مطابق، پارلیمانی کمیٹی کے ان کیمرا اجلاس میں خطاب کرتے ہوئے وزیر دفاع نے پی ٹی آئی کے اجلاس میں شرکت نہ کرنے پر شدید تنقید کی۔ ان کا کہنا تھا کہ اپوزیشن نے ایک شخص کو ریاست پر ترجیح دی، اور عوام کو ان کا اصل چہرہ دیکھنا چاہیے۔

قومی سلامتی اجلاس میں عدم شرکت کے حوالے سے بیرسٹر گوہر کے مؤقف پر بھی سوالات اٹھائے جا رہے ہیں، جبکہ خواجہ آصف نے واضح کیا کہ ملک کی موجودہ صورتحال ماضی میں کیے گئے فیصلوں کا نتیجہ ہے۔