ہنگو: سیاسی رہنما عبدالہادی کے گھر کے ساتھ نصب بم ناکارہ بنا دیا گیا

ہنگو (نمائندہ ڈیلی اردو) صوبہ خیبر پختونخوا کے ضلع ہنگو میں سیاسی رہنماء حافظ عبدالہادی کے گھر کے بم ناکارہ بنادیا گیا۔

بم ڈسپوزل یونٹ کے حکام کا کہنا ہے کہ 6 کلو وزنی یہ بارودی مواد کو نامعلوم افراد کی جانب سے نصب کیا گیا۔

پولیس کے مطابق مقامی لوگوں نے بم ڈسپوزل کے عملے کو اطلاع دی، جس پر اس بم کو ناکارہ بنایا گیا۔

حکام کا کہنا ہے کہ یہ بم نامعلوم افراد کی جانب سے نصب کیا گیا تھا۔

بم ڈسپوزل یونٹ کا کہنا تھا کہ اگر یہ بم پھٹ جاتا تو گھر کے ساتھ ساتھ دیگر گھروں کا بھی جانی و مالی نقصان ہوسکتا تھا۔

واقعہ کے بعد پولیس نے علاقے کو کلیئر قرار دیتے ہوئے مزید تفتیش شروع کردی۔

یاد رہے کہ حافظ عبدالہادی عام انتخابات میں قومی اسمبلی نشست این اے 36 سے آزاد امیدوار تھے۔