اسرائیل فورسز کے ساتھ جھڑپ میں دو فلسطینی اور ایک اسرائیلی میجر ہلاک

جنین (ڈیلی اردو/این این آئی) اسرائیلی فوج اور فلسطینی نوجوانوں میں تصادم میں دو فلسطینی اور ایک اسرائیلی میجر ہلاک ہو گئے۔

اطلاعات کے مطابق ہلاک ہونے والے فلسطینیوں کی شناخت 23 سالہ احمد ایمن عابد اور 24 سالہ عبدالرحمان ھانی عابد کے ناموں سے کی جا رہی ہے۔ اس جھڑپ کے دوران ایک اسرائیلی فوجی افسر بھی مارا گیا ہے۔

میڈیا رپورٹس کے مطابق کافی دنوں بعد اس نوعیت کا مسلح تصادم سامنے آیا ہے جس میں اسرائیلی فوجی افسر کی ہلاکت ہوئی ہے۔

Major Bar Falah was the IDF officer killed last night during an exchange of fire with Palestinian terrorists.

Major Falah was the Deputy Commanding Officer of the Nahal Reconnaissance Battalion, age 30 and from the city of Netanya.

May his memory be a blessing. pic.twitter.com/7l7wdVPwU2

— Israel Defense Forces (@IDF) September 14, 2022

فوجی ترجمان نے بھی اپنے افسر کی ہلاکت کی تصدیق کر دی ہے۔ یہ واقعہ بدھ کی صبح پیش آیا۔

مغربی کنارے میں حالیہ کچھ عرصے سے اسرائیلی فوج نے اپنی کارروائیاں تیز کر رکھی ہیں۔ ان کارروائیوں کے نتیجے میں صبح سویرے گھروں میں چھاپوں کے علاوہ چیک پوسٹس پر فلسطینیوں کی تلاشی کے واقعات میں اضافہ ہو گیا ہے۔

بدھ کی صبح یہ جھڑپ مغربی کنارے کے سرحدی علاقے میں ہوئی ہے۔