افغانستان: صوبہ بلخ سے داعش کا ایک سینئر رکن گرفتار

کابل (ڈیلی اردو) افغانستان میں طالبان حکومت نے صوبہ بلخ میں داعش کے ایک سینیئر رکن کو گرفتار کرنے کا دعویٰ کیا ہے۔

باختر نیوز جنس ایجنسی، جس پر اس وقت طالبان کا کنٹرول ہے، کے مطابق اس شخص کی شناخت عبدالحمید سنگریار کے نام سے ہوئی ہے، جو کہ سابق گورنر اور بلخ میں داعش کے حملوں کو منظم کرنے کا ذمہ دار ہے۔

نیروهای ویژه #امارت_اسلامی یک‌تن را که گفته می‌شود طراح حمله دیروز در شهر #مزارشریف مرکز ولایت #بلخ است، بازداشت کردند.
در حمله دیروز شماری از #افراد_ملکی جان باختند و تعداد دیگر زخم برداشتند. pic.twitter.com/D78TmIbiQR

— باختر خبري آژانس (@bnapashto) April 22, 2022

طالبان نے کہا ہے کہ وہ کئی مہینوں سے داعش کے رکن کا تعاقب کر رہے تھے اور اسے کل شام ایک خصوصی آپریشن میں گرفتار کیا گیا۔

طالبان کے مطابق داعش کے رکن کی گرفتاری ایسے وقت میں ہوئی ہے جب حالیہ دنوں میں کابل، مزار شریف اور دیگر افغان صوبوں میں خودکش حملوں میں تیزی آئی ہے جس کے نتیجے میں کافی جانی نقصان ہوا ہے۔