افغانستان: ہلمند میں القاعدہ کیمپ پر امریکی ڈرون حملہ

اسلام آباد (ش ح ط) افغانستان کے صوبہ ہلمند میں امریکی جاسوس طیارے نے مبینہ طور پر القائدہ کے کیمپ باسٹن پر حملہ کیا ہے۔

ذرائع کا کہنا ہے کہ ضلع نوا کے کیمپ باسٹن میں جاسوس طیارے سے میزائل فائر کیے گئے جس کے بعد علاقے سے دھوئیں کے بادل بھی اٹھتے دیکھے گئے جب کہ علاقے میں ڈرون طیاروں کی نچلی پروازیں بھی جاری رہیں۔

افغانستان کے صوبہ ہلمند کے ضلع نوا میں ڈورن حملہ، ڈورن طیارے نے ایک کیمپ کو نشانہ بنایا۔#DroneAttack #Helmand #Afghanistan @Natsecjeff

— Shabbir Hussain Turi (@ShabbirTuri) August 24, 2022

انٹیلی جنس ذرائع کے بقول حملے میں ابتدائی اطلاعات کے مطابق کئی جنگجو ہلاک بتائے جا رہے ہیں۔

ذرائع کے مطابق ہلاک ہونے والوں کے بارے میں سردست کچھ نہیں کہا جاسکتا البتہ غالب امکان یہی ہے کہ ہلاک ہونے والوں غیر ملکی جنگجو ہوسکتے ہیں۔

افغانستان کے معروف صحافی بلال سروری نے اپنے ذرائع کے حوالے سے بتایا کہ جاسوسی طیارے نے بدھ کی صبح تقریباً پانچ بجے ضلع نوا میں القائدہ کے ایک مبینہ کیمپ پر میزائل داغے ہیں۔

#AFG “ A drone strike targeted camp bastion in Helmand around 5AM. AQIS and AQ members Abu Zubair ,Abu Anas, Farooqi Qari Sulaiman and Abu Al Hassan have been present in various parts of Helmand province including inside camp bastion.” Two sources including a CT source tells me.

— BILAL SARWARY (@bsarwary) August 24, 2022

اففانستان کے صوبوں ہلمند اور قندہار سمیت دیگر علاقوں پر جاسوس طیاروں نے صبح سویرے پروازیں کیں جس کے باعث علاقے میں خوف و ہراس رہا۔

یہ حملہ اس کارروائی کے 22 دن بعد کیا گیا ہے جس میں القاعدہ کا سربراہ ایمن الظواہری ہلاک ہوا تھا۔

ہلمند میں افغان طالبان نے اس بارے میں تاحال کوئی بیان نہیں دیا ہے۔