بحرین میں ایرانی پاسدارانِ انقلاب سے منسلک 41 افراد گرفتار

منامہ (ڈیلی اردو) بحرین کی وزارتِ داخلہ کے مطابق ایرانی پاسدارانِ انقلاب سے منسلک 41 افراد کو گرفتار کر لیا گیا ہے۔

وزارتِ داخلہ کے مطابق یہ گرفتاریاں اس وقت عمل میں آئیں جب سکیورٹی اہلکاروں نے پاسدارانِ انقلاب سے منسلک ایک گروپ کو بے نقاب کیا۔

وزارتِ داخلہ نے کہا ہے کہ استغاثہ کی تحقیقات میں ایرانی حملوں کے لیے “ہمدردی” سے متعلق مقدمات بھی شامل ہیں۔

سرکاری خبر رساں ایجنسی کے مطابق یہ گرفتاریاں اس وقت ہوئیں جب سکیورٹی اداروں نے پاسدارانِ انقلاب سے منسلک ایک مبینہ نیٹ ورک کا پردہ فاش کیا۔

تقریباً دو ہفتے قبل بحرین کی وزارتِ داخلہ نے اعلان کیا تھا کہ اس نے 69 افراد کی شہریت “ایران کے مخالفانہ اقدامات کی تعریف یا ہمدردی یا غیر ملکی جماعتوں سے تعلقات” کے الزام میں منسوخ کر دی ہے۔

28 فروری کو امریکہ اور اسرائیل کی طرف سے ایران پر حملوں کے بعد شروع ہونے والی جنگ میں  ایران نے بحرین اور دیگر خلیجی عرب ریاستوں میں اہداف کو نشانہ بنایا، جہاں امریکی فوجی اڈے موجود ہیں۔ 

حکام کے مطابق تحقیقات کا عمل جاری ہے اور قومی سلامتی کو لاحق خطرات سے نمٹنے کے لیے مزید اقدامات کیے جا رہے ہیں۔