بلوچستان: آواران میں لیویز کی گاڑی بارودی سرنگ سے ٹکرا گئی، 2 اہلکار ہلاک

کوئٹہ (ڈیلی اردو) بلوچستان کے ضلع آواران میں لیویز کی گاڑی بارودی سرنگ سے ٹکرانے کے نتیجے میں 2 اہلکار ہلاک ہوگئے۔

لیویز حکام کے مطابق ضلع آواران کی تحصیل مشکے کے علاقے بنڈکی میں لیویز رسالدار یحییٰ خان محمد حسنی لیویز اہلکاروں کے ہمراہ گشت کررہے تھے کہ ان کے قافلے میں شامل ایک گاڑی سڑک کنارے نصب بارودی سرنگ سے ٹکرا گئی۔

A convoy of Risaldar Levies Major Yahya Khan Muhammad Hassani was targeted with a remote control bomb ???? in #Bandki area of Tehsil Mashky district Awaran #Balochistan , as result two Levies Soliders identified as Samiullah & Akhtar were martyred, pic.twitter.com/9jTLoa3kBB

— ???????? (@Info_Balochistn) May 3, 2021

بارودی سرنگ سے ٹکرانے کے نتیجے میں گاڑی میں سوار دو اہلکار سمیع اللہ اور اختر موقع پر ہلاک ہوگئے۔

لیویز حکام کے مطابق واقعے میں لیویز رسالدار اور دیگر اہلکار محفوظ رہے۔

واقعے کے بعد سیکیورٹی فورسز نے جائے وقوعہ پر پہنچ کر لاشوں کو ہسپتال منتقل کردیا۔