بلوچستان: بولان میں سیکورٹی فورسز کی گاڑی کے قریب دھماکا، 6 ایف سی اہلکار ہلاک، 4 زخمی

کوئٹہ (بیورو رپورٹ) پاکستان کے شمال مشرقی صوبے بلوچستان کے علاقے ضلع کچھی (بولان) میں سیکورٹی فورسز کی گاڑی سڑک کنارے نصب بم سے ٹکرا گئی، ابتدائی اطلاعات کے مطابق چھ اہلکار ہلاک جبکہ چار زخمی ہوگئے۔

تفصیلات کے واقعہ پیر کی شام معروف سیاحتی مقام پیر غائب ضلع کچھی کی قریب پیش آیا جب سیکیورٹی فورسز کے قافلے میں شامل ایک گاڑی سڑک کنارے نصب بم سے ٹکرا گئی جس کے نتیجے میں چھ اہلکار ہلاک جبکہ 4 دیگر زخمی ہوگئے واقعہ کے فوراً بعد قافلے میں شامل دیگر گاڑیوں نے علاقے کو گھیرے میں لے ہلاک و زخمی اہلکاروں کو نواحی علاقے مچھ کے ہسپتال منتقل کر دیا۔

بعدازاں لاشوں و زخمیوں کو صوبائی دارالحکومت کوئٹہ میں قائم کمبائنڈ ملٹری ہسپتال (سی ایم ایچ) منتقل کر دیا گیا۔

ذرائع کے مطابق واقعہ کے بعد سیکیورٹی فورسز کے مزید دستے علاقے میں پہنچ جسکے بعد علاقے کو گھیرے میں لے کر سرچ آپریشن کا آغاز کردیا گیا آخری اطلاعات تک علاقے میں سیکورٹی فورسز کا سرچ آپریشن جاری تھا۔

دوسری جانب بلوچ کالعدم تنظیم یونائیٹیڈ بلوچ آرمی (یو بی اے) نے واقعہ کی ذمہ داری قبول کرلیتے ہوئے دعویٰ کیا ہے کہ انکے سرمچاروں نے سیکورٹی فورسز کی گاڑی گاڑی کو بم سے نشانہ بنانے کے بعد قافلے پر جدید ہتھیاروں سے حملہ بھی کیا ہے تنظیم کے دعویٰ کے مطابق سیکیورٹی فورسز کی گاڑی کے ساتھ آئل اینڈ گیس تلاش کرنے والی کمپنی کی گاڑی کو بھی نشانہ بنایا گیا ہے۔