بھارتی فوج کی رکھ چکری اور راولا کوٹ سیکٹرز پر گولہ باری، پاک فوج کے میجر اور کیپٹن زخمی

راولپنڈی (ڈیلی اردو) بھارتی فوج کی لائن آف کنٹرول (ایل او سی) پر بلااشتعال فائرنگ کے نتیجے میں پاک فوج کے 2 افسران زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق بھارت کی جانب سے سیز فائر معاہدے کی خلاف ورزیاں جاری ہیں، بھارتی فوج نے ایل او سی پر بلا اشتعال فائرنگ کی، جس کے نتیجے میں پاک فوج کے 2 افسران زخمی ہوگئے۔

Indian Army’s unprovoked firing in Rakhchikri, Rawalakot Sector along LOC. Mortor rounds fired on Pakistani Post. Indian fire effectively responded. During exchange of fire two officers of Pakistan Army got injured.

— DG ISPR (@OfficialDGISPR) December 1, 2019

آئی ایس پی آرکا کہنا ہے کہ بھارتی فوج نے ایل او سی کے رکھ چکری اور راولا کوٹ سیکٹر میں بلااشتعال فائرنگ کی جبکہ پاک فوج نے بھرپور جوابی کارروائی کرتے ہوئے دشمن کی بندوقیں خاموش کرا دیں۔

ترجمان پاک فوج کے مطابق بھارتی فوج نے پاکستانی چیک پوسٹ پر مارٹر گولے فائر کیے، فائرنگ کے تبادلے میں پاک فوج کا ایک میجر اور ایک کیپٹن زخمی ہوئے۔