جنوبی وزیرستان: پیپلز پارٹی کے مقامی رہنما نامعلوم افراد کے ہاتھوں اغوا

وانا (ڈیلی اردو) پاکستان کے شورش زدہ صوبے خیبر پختون خوا کے قبائلی ضلع جنوبی وزیرستان میں پیپلز پارٹی کے مقامی رہنما اغوا کر لیے گئے ہیں۔

تفصیلات کے مطابق جنوبی وزیرستان سے پیپلز پارٹی کے مقامی رہنما عمران مخلص کو نامعلوم مسلح افراد نے غوا خوا کے علاقے سے اس وقت اغوا کیا جب وہ گھر جا رہے تھے۔ وہ پارٹی کے ایک متحرک مقامی رہنما تھے۔

خاندانی ذرائع کے مطابق واقعے کے بعد علاقے میں تشویش پائی جا رہی ہے۔ پیپلز پارٹی کے ضلعی صدر امان اللہ نے عمران مخلص کی فوری بازیابی کا مطالبہ کیا ہے۔

تاحال کسی گروپ یا تنظیم نے ذمہ داری قبول نہیں کی ہے، تاہم اس علاقے میں کالعدم تحریک طالبان پاکستان اور حافظ گل بہادر گروپ سمیت دیگر تنظیمیں سرگرم ہیں۔