سری لنکا: 41 پاکستانی قیدیوں کی رہائی کا فیصلہ

کولمبو (ڈیلی اردو) وزارت داخلہ نے منشیات اسمگلنگ کیسز میں سری لنکا سے سزا یافتہ 41 پاکستانی قیدیوں کی رہائی کا فیصلہ کرلیا گیا۔

رپورٹس کے مطابق وزارت داخلہ کی جانب سے جاری کردہ اعلامیے میں کہا گیا ہے کہ قیدیوں کی سزا مکمل ہونے پر ان کی رہائی کے احکامات جاری کیے گئے ہیں جب کہ اس سلسلے میں وزارت داخلہ نے رپورٹ اسلام آباد ہائیکورٹ میں جمع کرادی ہے۔

رپورٹ میں کہا گیا ہےکہ اسپیشل جج سینٹرل کے فیصلے کی روشنی میں 40 سے زائد پاکستانی قیدیوں کی رہائی کے احکامات جاری کیے ہیں تاہم عدالتی فیصلے اور پاکستانی قوانین کے مطابق سزاؤں پر نظرثانی کی گئی۔ 100 گرام سے زائد منشیات کیس میں سزا یافتہ 26 قیدیوں کو رہا کیا جائے گا جب کہ 100 گرام سےکم منشیات کیس میں سزا یافتہ 15 قیدیوں کی رہائی کیلئے خط لکھا گیا۔

وزارت داخلہ کے مطابق سری لنکا سے رہائی پانے والے پاکستانی منشیات اسمگلنگ کیسز میں قید تھے، سزا یافتہ 40 سے زائد پاکستانی قیدی نومبر 2020 میں پاکستان لائے گئے تھے جب کہ قیدیوں کو پاکستان لاکر اڈیالہ جیل میں رکھا گیا تھا۔

1/2
H.E. Maj Gen @SaadKhtk @PakistaninSL bade farewell to prisoners at the airport. While addressing them at the airport, H.E. advised them to refrain from any crimes in future so as to lead a better life with their loved ones once they reach ????????.@MFA_SriLanka @ForeignOfficePk pic.twitter.com/gQkzTfzM8u

— Pakistan High Commission Sri Lanka (@PakinSriLanka) November 4, 2020