صومالیہ: دو کار بم دھماکوں میں 20 سے زائد افراد ہلاک

موغا ديشو (ڈیلی اردو) صومالیہ کے دارالحکومت موغا دیشو میں 2 کار بم دھماکوں میں 20 سے زائد افراد ہلاک ہوگئے ۔

غیر ملکی خبرایجنسی نے سیکورٹی حکام اور عینی شاہدین کے حوالے سے بتایا کہ صومالیہ کے دارالحکومت کے ایک قصبے ماہاس میں دو کار بم دھماکے ہوئے۔ دھماکوں کے نتیجے میں ہلاک ہونے والوں کی تعداد 20 سے زائد ہوگئی۔

سیکورٹی حکام نے علاقے کو گھیرے میں لے کر لاشوں اور زخمیوں کو ہسپتال منتقل کیا۔ جائے وقوع پر سرچ آپریشن جاری ہے۔ حکام نے ہلاکتوں میں اضافے کا خدشہ ظاہر کیا ہے۔ اب تک کسی تنظیم نے دھماکوں کی ذمہ داری قبول نہیں کی ہے۔

سیکورٹی حکام نے دھماکوں کا الزام الشباب پر عائد کیا ہے جو دارالحکومت میں سیکورٹی فورسز پر حملوں میں ملوث رہی ہے اور اب بھی ملک کے کئی شہروں پر قابض ہے۔