فرانس: اسٹراسبرگ میں یہودی قبروں کی بےحرمتی

فرانس (ڈیلی اردو/نیوز ایجنسی) مشرقی فرانس کے شہر اسٹراسبرگ کے قریب یہودی قبرستان میں 107 قبروں کی بے حرمتی کا واقعہ پیش آیا ہے۔

میڈیا رپورٹ کے مطابق مشرقی فرانس میں اسٹراسبرگ سے قریب ویسٹوفن یہودی قبرستان میں 107 قبروں پر گزشتہ روز اینٹی سیمیٹک تحریریں ملی ہیں۔

مقامی انتظامیہ ’پریفیکچر‘ کے مطابق پولیس اس قبرستان میں قبروں کی بے حرمتی کی واردات پر تحقیقات اور کاروائیاں کر رہی ہے ۔

فرانس کے وزیر داخلہ کرسٹوف کاسٹنر نے اپنے ایک ٹوئٹ میں اس مکروہ اور گھناؤنے عمل کی مذمت کی ہے۔

فرانس کے وزیر داخلہ کا کہنا ہے کہ یہ مکروہ حرکتیں ہماری جمہوری اقدار کی توہین ہیں۔

واضح رہے کہ فروری 2019ء میں کوارٹزن ہائم کے یہودی قبرستان کی بہت سی قبروں کی بھی بے حرمتی کی گئی تھی۔

جرمنی کی سرحد سے متصل فرانس کے گاؤں کواٹزینہم میں یہودی قبروں پر نازی جرمن کا نشان بنایا گیا تھا۔ قبروں پر نیلے رنگ سے نازی نشان بنانے کے بعد بلیک السیشن وولفز کے الفاظ تحریر کر دیے گئے جو 1970 کی دہائی میں نازیوں کا حامی گروپ تھا۔