مالی: جہادی گروپ نے کرائے کے 4 روسی قاتلوں کو ہلاک کردیا

بماکو (ڈیلی اردو/ڈی پی اے/اے ایف پی/روئٹرز)بالقاعدہ سے تعلق رکھنے والے ایک جہادی گروپ نے پیر کے روز دعویٰ کیا کہ اس نے وسطی مالی کے بانڈیا گارا میں تصادم کے دوران چار کرائے کے قاتلوں کو ہلاک کر دیا۔ ان لوگوں کا تعلق روس کی نجی عسکری کمپنی واگنر سے تھا۔

Al Qaeda's affiliate in Mali claimed on Monday it had killed four mercenaries from Russia's private military firm Wagner Group in an ambush around Bandiagara in central Mali. https://t.co/HMtPyPmvRk

— Reuters Africa (@ReutersAfrica) August 16, 2022

جہادی تنظیموں کے بیانات پر نگاہ رکھنے والے انٹلیجنس گروپ ‘سائٹ’ کے مطابق جماعت نصرت الاسلام و المسلمین (جے این آئی ایم) کے میڈیا ونگ نے ایک بیان میں کہا کہ موپتی علاقے میں اس کے جنگجووں اور کرائے کے قاتلوں کے درمیان ہفتے کے روز جھڑپ ہوگئی۔

دو مقامی سرکاری عہدیداروں نے غیر ملکی خبر رساں ایجنسی اے ایف پی سے بات کرتے ہوئے تصدیق کی کہ اواخر ہفتہ کو بانڈیا گارا میں جہادیوں کے ہاتھوں چار روسی مارے گئے۔ ہسپتال کے ایک ذرائع نے بھی “لڑائی کے دوران چار روسیوں کی ہلاکت” کی تصدیق کی ہے۔

مالی سن 2012 میں اسلامی عسکریت پسندوں کے عروج کے بعد سے ہی عسکریت پسندی سے نبردآزما ہے جبکہ اس کا دائرہ  پڑوسی ملکوں تک پھیل چکا ہے۔ اس کی وجہ سے مغربی افریقہ کے ساحل علاقے میں اب تک ہزاروں افراد ہلاک اور لاکھوں بے گھر ہوچکے ہیں۔

روس کی نجی عسکری کمپنی واگنر نے مالی فوج کو گزشتہ برس سینکڑوں ‘کرائے کے قاتل’ سپلائی کرنے شروع کیے تھے۔ اس کے بعد سے ہی حقوق انسانی کے گروپ اور مقامی رہائشی ان کرایے کے قاتلوں پر شہریوں کے قتل عام کے الزامات عائد کرتے رہے ہیں۔ تاہم واگنر نے اب تک ان الزامات کا کوئی جواب نہیں دیا ہے۔

واگنر کمپنی کی تعیناتی کی وجہ سے مالی پر ماضی میں حکمرانی کرنے والے اور اس کے روایتی حلیف فرانس نے ملک سے اپنی فوجیں نکال لی تھیں۔

روسی حکومت واگنر کمپنی کے اہلکاروں کی مالی میں موجودگی کا اعتراف تو کرتی ہے تاہم مالی حکومت کا کہنا ہے کہ انہیں نجی سکیورٹی خدمات فراہم کرنے کے بجائے روسی فوج کی جانب سے مالی فوج کو تربیت دینے کے لیے رکھا گیا ہے۔