میجر لاریب حسن قتل کیس: پولیس کا ملزمان کو گرفتار کرنے کا دعویٰ

اسلام آباد (ڈیلی اردو) وفاقی حکومت اسلام آباد پولیس کے آئی جی نے دعوی کیا ہے کہ دوران ڈکیتی قتل ہونے والے پاک فوج کے میجر لاریب حسن کے قتل میں ملوث دو ملزمان کو گرفتار کرلیا گیا ہے۔

تفصیلات کے مطابق اسلام آباد پولیس نے سیکٹر جی نائن تھری میں پچھلے مہینے قتل ہونے والے ایس ایس جی کمانڈو میجر لاریب حسن کے قتل میں ملوت ملزمان کو گرفتار کرنے کا دعویٰ کیا ہے۔

اسلام آباد پولیس کے انسپکٹر جنرل (آئی جی) عامرذوالفقار نے کہا کہ میجر لاریب حسن ے قتل میں ملوث دو افغان پاشندے پکڑے گئے ہیں، دو ہفتے تک تحقیقات کے بعد ملزمان تک پہنچے ہیں، اس کیس کی مزید تفصیلات بعد میں بھی شئیر کی جائیں گی۔

https://twitter.com/DigIslamabad/status/1202536026532667392?s=08

ذرائع کا کہنا ہے کہ میجر لاریب حسن کے قتل میں ملوث ملزمان افغان شہری ہے جن میں سے ایک کا نام بیت اللہ اور دوسرے کا گل سلیم ہے۔

ذرائع کے مطابق کے ملزمان نے پولیس کو بیان رکارڈ کراتے ہوئے کہا ہے کہ کراچی کمپنی میں واقع پارک کے قریب ان کی موٹر سائیکل کا ٹائر پنکچر ہوا تو انہوں نے ڈکیتی کا ارادہ کرلیا۔

ملزمان کے مطابق میجر لاریب اور ایک خاتون پارک میں واک کر رہے تھے۔ میجر لاریب کے سر پر بندوق رکھ کر پیسے اور موبائل چھیننے کی کوشش کی جس پر انہوں نے مزاحمت کی۔ مزاحمت ہم نے گولی چلا کر میجر کو قتل کر دیا۔

پولیس ذرائع کے مطابق ملزمان نے اس قبل جی 10 میں ایک نوجوان سے نقدی اور موبائل چھیننے کا بھی اعتراف کر لیا ہے۔

خیال رہے کہ 21 اکتوبر کی شب سیکٹر جی نائن کے قریب واقع پارک میں نامعلوم افراد نے میجر لاریب کے سر پر گولی مار کر قتل کردیا تھا۔۔ پولیس نے ابتدا میں اسے موبائل چھیننے کا واقعہ قرار دیا تھا۔