پشاور میں سی ٹی ڈی اور سیکورٹی فورسز کا مشترکہ آپریشن، 4 مبینہ دہشت گرد ہلاک

پشاور (بیورو رپورٹ) صوبہ خیبر پختونخوا کے صوبائی دارالحکومت پشاور میں کاؤنٹر ٹیررازم ڈیپارٹمنٹ (سی ٹی ڈی) اور سکیورٹی فورسز کی مشترکہ کارروائی میں 4 مبینہ دہشت گرد مارے گئے۔

پشاور کے نواحی علاقے سربند میں سی ٹی ڈی اور سیکیورٹی فورسز کا انٹیلی جنس بیسڈ آپریشن، کالعدم تنظیم کے 4 مبینہ دہشت گرد ہلاک،بہلاک دہشت گرد متعدد مقدمات میں سی ٹی ڈی کو مطلوب تھے۔ دہشت گردوں کے قبضے سے 4 عدد کلاشنکوف اور 3 عد دستی بم برآمد۔ #CTD #Peshawar #Pakistan

— Shabbir Hussain Turi (@ShabbirTuri) January 7, 2023

سی ٹی ڈی ترجمان کے مطابق کاؤنٹر ٹیررازم ڈیپارٹمنٹ اور سیکیورٹی فورسز نے پشاور کے نواحی علاقے سنگو سربند میں کارروائی کی، سرچ آپریشن کے دوران فورسز اور دہشت گردوں کے درمیان فائرنگ کا تبادلہ ہوا۔

ترجمان کا مزید کہنا ہے کہ آپریشن کے دوران 4 دہشت گرد ہلاک ہوگئے جبکہ 3 فرار ہوگئے، ہلاک دہشت گردوں کے قبضے سے 3 عدد ہینڈ گرنیڈ اور 4 عدد کلاشنکوف بھی برآمد ہوا ہے، سی ٹی ڈی، سیکیورٹی فورسز اور پولیس کا علاقے میں سرچ آپریشن جاری ہے۔ ہلاک دہشت گردوں کا تعلق کالعدم تنظیم سے بتایا گیا ہے۔
ہلاک ہونے والے چاروں افراد دہشت گردی کے متعدد مقدمات میں مطلوب تھے۔