کوئٹہ میں نامعلوم افراد کی فائرنگ سے پولیس اہلکار ہلاک

کوئٹہ (ڈیلی اردو) صوبہ بلوچستان کے صوبائی دارالحکومت کوئٹہ کے علاقے نواں کلی میں نامعلوم مسلح افراد کی فائرنگ سے ایک پولیس اہلکار ہلاک ہوگیا۔

پولیس کے مطابق موٹر سائیکلوں پر سوار مسلح افراد نے پولیس اہلکار کو اس وقت نشانہ بنایا جب وہ بائی پاس کے علاقے سے گزر رہے تھا، ملزمان نے ہیڈ کانسٹیبل کو متعدد گولیاں ماری اور وہ موقع پر ہی دم توڑ گیا۔

واقعے کے بعد پولیس نے موقع پر پہنچ کر لاش کو سول اسپتال منتقل کردیا۔ ہلاک ہونے والے اہلکار کی شناخت ضیا الرحمان کے نام سے ہوئی ہے۔ بعد ازاں لاش کو قانونی چارہ جوئی کے بعد اہل خانہ کے حوالے کر دیا گیا۔ وہ جناح ٹاؤن تھانے میں تعینات تھا۔

رواں ماہ کے دوران کوئٹہ میں تین پولیس اہلکاروں کو ٹارگٹ کلنگ کا نشانہ بنایا گیا ہے۔ جس کی ذمہ داری کسی گروہ یا تنظیم نے قبول نہیں کی ہے۔