یوم علیؑ کا جلوس نکالنے پر بلوچستان شیعہ کانفرنس کے رہنماؤں سمیت 150 افراد کیخلاف مقدمہ درج

کوئٹہ (ڈیلی اردو) کورونا وائرس کے خطرے کے پیش نظر کوئٹہ سمیت بلوچستان بھر میں یوم علی علیہ السلام کے جلوس پر حکومت کی جانب سے مکمل طور پر پابندی عائد کی گئی تھی تاہم حکومتی احکامات کی پاسداری نہ کرنے اور دفعہ 144 کی خلاف ورزی پر بروری پولیس اسٹیشن نے بلوچستان شیعہ کانفرنس کے عہدیداروں سمیت 150 نامعلوم افراد کے خلاف ایف آئی آر درج کر لی گئی ایف آئی آر میں 269-109-511-325-149-147-291-188 کے تحت دفعات درج کی گئی ہیں۔

مقدمہ میں نامزد افراد نے جلوس پر پابندی کے باوجود ہزارہ ٹاؤن سے یوم علی علیہ السلام کا جلوس نکلا ایف آئی آر کے مطابق عاشق حسین، اصغر، علی جان، امتیاز، سجاد، کاظم، امان، سید عباس، بھیا، فیض محمد، سکندر، سجاد حسین، جعفر حسین، گل علی، اعجاز، امان اللہ سمیت 150 نامعلوم افراد کے خلاف ایف آئی آر درج کی گئی ہے۔ نامعلوم افراد کی شناخت سی سی ٹی وی کیمرہ کے ذریعے کی جائے گی۔