اسرائیل نے غلطی سے اپنا ہی ڈرون مار گرایا

تل ابیب (ڈیلی اردو) اسرائیلی فوج نے کہا کہ لبنان کی سرحد کے قریب غلطی سے خطرے کی نشاندہی کرنے کے بعد اسرائیل نے اپنے میزائل ڈیفنس کو فعال کر دیا۔

بین الاقوامی میڈیا رپورٹس کے مطابق اسرائیلی فوج نے غلطی سے لبنان کی سرحد کے قریب پرواز کرنے والے اپنے ہی ڈرون کو مار گرایا۔

اسرائیلی ڈیفنس فورسز نے تسلیم کیا ہے کہ یہ واقعہ غلط شناخت کی وجہ سے پیش آیا۔ درحقیقت ایک ایئربورن ارلی وارننگ طیارے نے لبنان سے ممکنہ فضائی دراندازی کی اطلاع دی جس کے بعد اسرائیلی فوج نے دو آئرن ڈوم انٹرسیپٹر میزائل داغے اور ٹارگٹ کو تباہ کر دیا۔

Due to an error in identification, the IDF Aerial Defense Array launched interceptors which caused the alarms heard in northern Israel.

— Israel Defense Forces (@IDF) May 19, 2022

بعد میں معلوم ہوا کہ ڈرون اسرائیل کا تھا جو معمول کے ریکی مشن پر پرواز کر رہا تھا جیسے ہی میزائل فائر کیے گئے تو لبنان کے ساتھ اسرائیل کی شمالی سرحد پر راکٹ کے سائرن بجنے لگے۔