اقوام متحدہ کی جنرل اسمبلی میں کریمیا سے روسی فوجیں نکالنے کیلئے قرارداد پیش

اقوام متحدہ (ڈیلی اردو/ اے پی پی) اقوام متحدہ کی جنرل اسمبلی کے اجلاس میں روس کی یوکرین کے جنوبی جزیرہ نما کریمیا سے اپنی فوجیں نکالنے اور بغیر کسی تاخیر کے اپنا قبضہ ختم کرنے کے لیے قرارداد پیش کر دی گئی۔

اجلاس میں اقوام متحدہ کی جنرل اسمبلی کے 193 رکن ممالک میں سے 63 نے قرارداد کے حق میں ووٹ دیا، 19 نے مخالفت، 45 نے ووٹ نہیں دیا جبکہ زیادہ تر مغربی ممالک نے قرارداد کی حمایت کی۔

قرارداد میں اس بات پر تشویش کا ظہار کیا گیاکہ کریمیا پر روسی فوجوں میں اضافہ نہ صرف قابض اقتدار کی عکاسی کرتی ہیں بلکہ روس نے یوکرین کے فوجی اداروں کا استعمال کرتے ہوئے کریمین رہائشیوں کو روسی فوجوں میں شامل بھی کیا ہے۔

قرارداد میں نہ صرف روسی فیڈریشن کی جانب سے یوکرین کے خلاف فوج کے استعمال اور کشیدگی میں اضافہ کا خدشہ ظاہر کیا گیا بلکہ کریمیا کے گرد بحراوقیانوس کے درمیان بحئیرہ اسود اور اس سے منسلک آبنائے ازوو اور کیرچ سٹریٹ سمندر میں روسی اقدامات پر بھی تشویش کا اظہار کیا گیا۔

قرارداد میں نومبر میں یوکرین بحری کشتیوں کے عملے کے 24 ارکان کی رہائی پر روسی اقدامات کو سراہتے ہوئے غیرقانونی طور پر حراست میں لیے گئے، یوکرینی شہریوں کی رہائی اور ان کی یوکرین واپسی یقنی بنانے کے لیے مذاکارات کی حوصلہ افزائی کی گئی۔