بنوں میں سی ٹی ڈی کے آپریشن میں کالعدم تنظیم کا انتہائی مطلوب کمانڈر ہلاک

بنوں (نمائندہ ڈیلی اردو) صوبہ خیبر پختونخوا کے ضلع بنوں میں کاؤنٹر ٹیرر ازم ڈپارٹمنٹ (سی ٹی ڈی) نے دہشت گردوں کی موجودگی کی اطلاع پر انٹیلی جنس بیسڈ آپریشن کرتے ہوئے انتہائی مطلوب دہشت گرد کمانڈر کو ہلاک کردیا۔جبکہ ان کے دیگر ساتھی جائے وقوعہ سے فرار ہونے میں کامیاب ہوگئے۔

ترجمان سی ٹی ڈی کے مطابق یہ آپریشن بنوں میں کیا گیا، ہلاک دہشتگرد کی شناخت محمد عمر عرف عمر عرف مصطفیٰ کے نام سے ہوئی جس سے اسلحہ اور ہینڈ گرینیڈ اور دیگر سامان برآمد بھی برآمد ہوا۔

سی ٹی ڈی نے بتایا کہ ہلاک دہشتگرد دھماکوں، ٹارگٹ کلنگ اور فورسز پر حملوں میں مطلوب تھا۔

سی ٹی ڈی حکام کے مطابق ہلاک کمانڈر کا تعلق کالعدم تحریک طالبان پاکستان (ٹی ٹی پی) حافظ گل بہادر گروپ سے ہے۔