بنوں میں پولیس اور سیکیورٹی فورسز نے دہشت گردی کا بڑا منصوبہ ناکام بنا دیا

بنوں (نمائندہ ڈیلی اردو) صوبہ خیبر پختونخوا کے ضلع بنوں میں سیکیورٹی فورسز اور پولیس بم ڈسپوزل اسکواڈ نے دہشت گردی کا بڑا منصوبہ ناکام بنا کر چھ کلو ریموٹ کنٹرول بم کو ناکارہ بنا دیا۔

تفصیلات کے مطابق بنوں کے علاقے ولی نور جانی خیل میں سیکیورٹی اداروں کی انفارمیشن پر ولی نور جانی خیل میں روڈ کنارے نصب ریموٹ کنٹرول بم کو سیکورٹی فورسز نے بروقت کارروائی کرکے بم ڈسپوزل سکواڈ کی مدد سے ناکارہ بنا دیا۔

پولیس کے مطابق نامعلوم دشتگردوں نے تخریب کاری کے غرض سے روڈ کنارے ریموٹ کنٹرول بم نصب کیا تھا، جس کو بم ڈسپوزل اسکواڈ نے انتہائی حکمت عملی کے ساتھ ناکارہ بنا دیا، خود ساختہ ریموٹ کنٹرول بم میں 5/6 کلو بارودی مواد اور ناٹ وغیرہ کا استعمال کیا گیا تھا، بروقت کارروائی سے دہشت گردی کا بڑا منصوبہ ناکام بنا دیا گیا۔