خیبر: طورخم بارڈر پر سکیورٹی اہلکار کا مزدور پر وحشیانہ تشدد

لنڈی کوتل (ڈیلی اردو) پاک افغان سرحد طورخم بارڈر پر سکیورٹی اہلکار نے مبینہ طور پر محنت مزدوری کرنے والے غریب شخص کو وحشیانہ تشدد کا نشانہ بناتے ہوئے لہولہان کردیا۔

قبائلی ضلع خیبر کی تحصیل لنڈی کوتل کے علاقہ خوگہ خیل کے رہائشی عظمت شینواری نے میڈیا کے نمائندوں کو اپنی فریاد سناتے ہوئے کہا ہے کہ میں غریب آدمی ہوںاور اپنے گھر کا چولہا چلانے کیلئے بارڈر پر مزدوری کرتا ہوں، گزشتہ روز افغانستان سے مزدوری کی غرض سے سامان لارہا تھا کہ طورخم بارڈر پر موجود ایف سی اہلکار نے مجھ پر بدترین تشدد کیا۔

انہوں نے اعلیٰ حکام سے اپیل کرتے ہوئے کہ ہمیں روزگار کی اجازت دے اور تشدد میں ملوث ایف سی اہلکار کے خلاف کارروائی کرے۔