خیبر پختونخوا: کرک میں مسلح طالبان کا کئی گھنٹوں تک گاڑیوں کی چیکنگ

کرک (ڈیلی اردو) صوبہ خیبر پختونخوا کے ضلع کرک کے مین روڈ پر کالعدم تنظیم تحریک طالبان پاکستان کی جانب سے لگائے گئے ناکہ کی ویڈیو وائرل ہوگئی۔

تفصیلات کے مطابق ضلع کرک میں تھانہ لتمبر کی حدود مین روڈ پر کالعدم تنظیم تحریک طالبان پاکستان (ٹی ٹی پی) کی جانب سے ناکہ لگا کر گاڑیوں کو چیک کرنے کی ایک ویڈیو شوسل میڈیا پر وائرل ہورہی ہے۔ ویڈیو میں واضح طور پر دیکھا جاسکتا ہے کہ طالبان ناکہ لگا کر تمام گاڑیوں کو روک کر چیکنگ کررہے ہیں جبکہ بالخصوص سرکاری اہلکاروں کے سروس کارڈ بھی چیک کئے جا رہے ہیں۔

مقامی پولیس کے مطابق یہ واقعہ دو ماہ قبل ہوا تھا جبکہ مقامی لوگوں کے مطابق یہ واقعہ 14 مئی 2024 کا ہے۔

یاد رہے اس سے قبل اس طرح کی صورتحال صرف جنوبی اور شمالی وزیرستان میں دیکھنے میں آئی تھی تاہم بندوستی ایریا میں اس طرح کے واقعہ کی ویڈیو وائرل ہونے کے بعد عوام خصوصاً سرکاری اہلکاروں میں خوف و ہراس پایا جارہا ہے۔