ریاست کو یرغمال بنانے کی اجازت نہیں دی جاسکتی، وزیر داخلہ شیخ رشید

راولپنڈی (ڈیلی اردو) وفاقی وزیر داخلہ شیخ رشید نے کہا ہے کہ کسی جتھے کو ریاست کو یرغمال بنانے کی اجازت نہیں دی جاسکتی۔

وزیرداخلہ شیخ رشید نے سی ایم ایچ اور ڈسٹرکٹ ہیڈ کواٹرز ہسپتال راولپنڈی کا دورہ کیا جہاں انہوں نے مظاہروں میں تشدد سے زخمی پولیس اہلکاروں اور رینجرز کے جوانوں کی عیادت کی۔

Inquiring about the health of a Rangers personnel at Combined Military Hospital. DG Rangers Punjab Major Gen. Muhammad Amir Majeed is also present. pic.twitter.com/BpHMZH2aYv

— Sheikh Rashid Ahmed (@ShkhRasheed) April 16, 2021

وزیر داخلہ نے سکیورٹی اہلکاروں کو شاباش دیتے ہوئے کہا کہ قانون نافذ کرنے والے اداروں نے امن وامان کے حوالے سے بہت زبردست کام کیا، امن وامان بحال رکھنے پر پولیس اور رینجرز کے افسروں اور جوانوں نے ہمت اور بہادری دکھائی۔

انہوں نے کہا کہ اہلکاروں نے کالعدم تنظیم تحریک لبیک پاکستان کے کارکنوں کی متشدد کارروائیوں کا تحمل سے مقابلہ کیا، کسی جتھے کو ریاست کو یرغمال بنانے کی اجازت نہیں دی جاسکتی۔