ساہیوال میں سی ٹی ڈی کی کارروائی، جماعت الاحرار کے دو دہشت گرد گرفتار

لاہور (اے ڈی شہزاد) کاؤنٹر ٹیررزم ڈیپارٹمنٹ نے صوبہ پنجاب کے ضلع ساہیوال میں کارروائی کرتے ہوئے کالعدم تنظیم جماعت الاحرار کے دو دہشت گردوں کو گرفتار کر لیا۔

تفصیلات کے مطابق ساہیوال میں کاؤنٹر ٹیررزم ڈیپارٹمنٹ (سی ٹی ڈی) نے بڑی کارروائی کرتے ہوئے کالعدم تنظیم جماعت الاحرار کے 2 دہشت گردوں کو گرفتار کر لیا۔

ترجمان سی ٹی ڈی نے بتایا کہ گرفتار ہونے والے دہشت گردوں میں رضا اللہ اور عباد اللہ شامل ہیں، دونوں دہشت گردوں سے دستی بم، پستول، گولیاں اور نقدی برآمد کی گئی۔

ترجمان کے مطابق دہشت گردوں نے بڑی کارروائی کی منصوبہ بندی کر رکھی تھی۔ دہشت گردوں کو تفتیش کیلئے نامعلوم مقام پر منتقل کردیا گیا۔