شام کے شمالی مغربی شہر ادلب میں دھماکا، 4 بچے ہلاک

ادلب (ڈیلی اردو) شام کے شمال مغربی علاقے ادلب میں زیر تعمیر مکان کے اندر بارودی سرنگ دھماکے سے پھٹ گئی جس کے نتیجے میں 4 بہن بھائی ہلاک ہوگئے۔

عالمی خبر رساں ادارے کے مطابق جنگ زدہ شام میں مکان ایک حصے کی تعمیر جاری تھی جس کے دوران زیر زمین دبی بارودی سرنگ زوردار دھماکے سے پھٹ گئی۔ دھماکے میں 4 بچے ہلاک ہوگئے۔

ریسکیو ادارے کے ترجمان نے بتایا کہ ہلاک ہونے والے چاروں بچے بہن بھائی ہیں۔ متاثرہ خاندان دو ہفتے قبل ہی اس گھر میں منتقل ہوا تھا اور ایک کمرا تیار کروا رہے تھے۔ جنگ میں اب اتک اس بدقسمت خاندان کے 4 بھتیجے، تین بیٹیاں اور ایک بیٹا ہلاک ہو چکے ہیں۔

Scenes show #WhiteHelmets teams retrieving the bodies of four children who were killed today by the blast of a landmine remnant from the war in the city of #Binnish, east of #Idlib.
Warning: this video contains violent images. pic.twitter.com/nyUWQ7iYan

— The White Helmets (@SyriaCivilDef) September 5, 2022

جنگ زدہ شام میں تمام متحارب گروپوں نے زرعی زمینوں اور رہائشی علاقوں میں بچھائی ہیں جو کسانوں اور راہگیروں کے لیے ایک مستقل خطرہ ہے۔

خیال رہے کہ اقوام متحدہ کے  بارودی سرنگوں سے متعلق ادارے نے 2015 میں بتایا تھا کہ 15 ہزار افراد بارودی سرنگوں کی زد میں آ کر متاثر ہوچکے ہیں یعنی یومیہ 5 افراد بارودی سرنگوں کی زد میں آئے۔

شام میں 2011 میں داعش اور حکومتی فورسز کے درمیان جنگ میں 5 لاکھ افراد ہلاک اور دسیوں لاکھوں بے گھر ہوچکے ہیں۔