شمالی وزیرستان: سیکیورٹی چیک پوسٹ پر راکٹ حملہ، دو اہلکار ہلاک، دو زخمی

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان کی تحصیل میر علی میں سیکورٹی فورسز کی چیک پوسٹ پر دہشت گردوں کا راکٹ حملے سے دو اہلکار ہلاک ہوگئے۔

سیکورٹی ذرائع کے مطابق تحصیل میرعلی کے گاؤں عیدک کے قریب سیکورٹی فورسز کی چیک پوسٹ پر نامعلوم دہشت گردوں نے شدید فائرنگ کرتے ہوئے راکٹ مارا جس کے نتیجے میں دو سیکورٹی اہلکار حولدار ظفر اور سپاہی آصف ہلاک جبکہ دو اہلکار زخمی ہوگئے۔

زخمی ہونے والے اہلکاروں کو ہسپتال منتقل کیا گیا ہے۔ جبکہ ابھی تک کسی تنظیم یا گروپ نے اس حملے کی ذمہ داری قبول نہیں کی ہے۔

ذرائع کا کہنا ہے کہ سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔