مسلح افواج ہر طرح کی صورتحال کیلئے تیار ہیں، ایرانی سپیکر قالیباف

تہران (ڈیلی اردو) ایرانی پارلیمان کے سپیکر محمد باقر قالیباف  نے کہا ہے کہ ایران کسی بھی ممکنہ صورتحال سے نمٹنے کے لیے مکمل طور پر تیار ہے اور اس کی مسلح افواج کسی بھی جارحیت کا بھرپور جواب دینے کی صلاحیت رکھتی ہیں۔

اپنے ایکس (سابق ٹوئٹر) اکاؤنٹ پر جاری بیان میں انہوں نے کہا کہ اب دنیا بھی سمجھ چکی ہے کہ غلط حکمت عملی اور فیصلوں کے ہمیشہ غلط نتائج نکلتے ہیں۔ ان کے مطابق ایران ہر طرح کی صورتحال کے لیے تیار ہے اور مخالفین کو حیرت کا سامنا کرنا پڑے گا۔

ایک اور بیان میں قالیباف نے کہا کہ تہران کی جانب سے پیش کیے گئے 14 نکاتی مسودے میں بیان کردہ ایرانی عوام کے حقوق کو تسلیم کیے بغیر کوئی بھی حل ممکن نہیں۔ ان کے بقول اس کے علاوہ کوئی بھی راستہ بے نتیجہ اور ناکام ثابت ہوگا۔

یہ بیان ایسے وقت میں سامنے آیا ہے جب اس سے قبل امریکی صدر ڈونلڈ ٹرمپ نے ایران کے جواب کو تنقید کا نشانہ بناتے ہوئے اسے “کچرا” قرار دیا تھا اور کہا تھا کہ جنگ بندی اس وقت “لائف سپورٹ” پر ہے۔