نوشہرہ میں 7 سالہ بچے سے زیادتی، ملزم گرفتار

نوشہرہ (ڈیلی اردو) خیبرپختونخوا کے ضلع نوشہرہ میں 7 سالہ بچے کو زیادتی کا نشانہ بنانے والے ملزم کو گرفتار کرلیا گیا۔

پولیس نوشہرہ ورکاں کے مطابق خویشگی پایان کے رہائشی معصوم بچے نے اپنے والد کے ہمراہ پولیس کو رپورٹ درج کراتے ہوئے بتایا کہ اس کا والد تھریشر میں مصروف تھا اور وہ دکان سے مزدوروں کیلئے سودا سلف لے جا رہا تھا جب ملزم ذاکر عرف زکور نے زبردستی کھیتوں میں لے جا کر بدفعلی کا نشانہ بنایا۔

*نوشہرہ:۔تھانہ نوشہرہ کلاں پولیس کی کامیاب کاروائی۔07 سالہ لڑکے کیساتھ زیادتی کرنے والا ملزم 48گھنٹے کے اندر گرفتار۔*

*ملزم ذاکر عرف زکور ولد حبیب خان ساکن میرہ خویشگی پایان کو گرفتار۔ابتدائی تفتیش کے دوران ملزم نے اپنے گھناونے جرم کا اعتراف۔* pic.twitter.com/vanc5lUkFZ

— Nowshera police (@NSRPolice) May 14, 2020

اندراج مقدمہ کے بعد ملزم کی گرفتاری کے لئے ایک خصوصی ٹیم تشکیل دی گئی جس نے اڑتالیس گھنٹے کے اندر اندر ملزم کو گرفتار کر لیا۔

پولیس کے مطابق ملزم ذاکر عرف زکور ولد حبیب خان ساکن میرہ خویشگی پایان نے ابتدائی تفتیش کے دوران ہی اپنے گھناونے جرم کا اعتراف کر لیا ہے۔