پنجشیر: قومی مزاحمتی محاذ اور طالبان کی جھڑپ، 32 طالبان ہلاک، 13 متعدد زخمی

کابل (ڈیلی اردو/وی او اے) افغانستان میں طالبان مخالف اتحاد کے ترجمان صبغت اللہ احمدی نے دعویٰ کیا ہے کہ گزشتہ رات پنجشیر صوبے میں طالبان کے ساتھ ہونے والی جھڑپوں میں 32 طالبان ہلاک اور 13 زخمی ہوئے۔

1/2 Heavy enemy attacks on Feraj, Aabdara, Hesarak, Manjahor, Abdullah Khail, Shaaba, commandos of Dara and Aabshaar, Peshghoor and Khenj bases were repelled by pitched battles of the valiant and heroic forces of @NR_Front. As a result, 32 occupiers were killed

— Sibghatullah Ahmadi (@Sibghat_Ah) September 10, 2022

صبغت اللہ کا ٹوئٹ میں کہنا تھا کہ فیراج، ابدرا، ہیسارک، منجاہور، عبداللہ خلیل اور شابا سمیت دیگر علاقوں میں طالبان سے جھڑپیں ہوئیں جن میں شکست کے بعد طالبان پنجشیر سے بھاگ کر قریبی علاقوں میں پناہ لینے پر مجبور ہوئے۔

طالبان مخالف اتحاد کی پنجشیر میں اس کامیابی کی کسی آزاد ذرائع سے تصدیق نہیں ہو سکی ہے۔

دوسری طرف طالبان کے صوبہ پنجشیر میں ترجمان نے احمدی کے اس دعوے کی تردید یا تصدیق نہیں کی البتہ ان کا کہنا تھا کہ یہ جھڑپیں اس قدر شدید نہیں تھیں جس قدر بیان کی جا رہی ہیں۔