‏بہاولپور: بھانجے کی ممانی سے زیادتی کے بعد کمسن کزن کو بھی قتل کردیا

بہاولپور (ڈیلی اردو) صوبہ پنجاب کے ضلع بہاولپور میں سفاک ملزم کی جانب سے خاتون کو مبینہ طور پر زیادتی کا نشانہ بنایا گیا ہے جبکہ اس کی معصوم بچی کو قتل کر دیا گیا۔

بہاولپور پولیس کے مطابق بہاولپور کے علاقے موسیٰ کالونی میں خاتون کو مبینہ طور پر زیادتی کا نشانہ بنانے کا واقعہ پیش آیا ہے، ملزم خاتون کی کم سن بچی کو قتل کر کے فرار ہو گیا۔

مقامی پولیس کا کہنا ہے کہ خاتون نے الزام عائد کیا ہے کہ اسے اس کے شوہر کے بھانجے نے زیادتی کا نشانہ بنایا ہے، ملزم اس کو شادی کے لیے کہتا تھا۔

نور نواز نامی شخص نے اپنے ماموں کے گھر میں گھس کر ممانی کو مبینہ طور پر زیادتی کا نشانہ بنایا اور 3 سالہ کمسن بچی کزن کو زمین پر پٹخ کر ٹب میں ڈبو کر قتل کر دیا۔

بہاولپور کے تھانہ بغداد الجدید میں خاتون کی مدعیت میں زیادتی اور قتل کا مقدمہ درج کر لیا گیا ہے۔ پولیس کی جانب سے ملزم کی گرفتاری کے لیے چھاپے مارے جا رہے ہیں۔