افغانستان: صوبہ بغلان میں طالبان کا شیڈو ضلعی سربراہ اور ڈویژنل کمانڈر سمیت 4 ہلاک

کابل (بیورو رپورٹ) افغان وزارت دفاع نے تصدیق کی ہے کہ افغان سکیورٹی فورسز کی جانب سے ملک کے شمالی صوبہ بغلان میں ٹھکانوں پر بدھ کی رات کو حملہ میں طالبان کا شیڈو ضلعی سربراہ اور دیگر 4 دہشت گرد ہلاک ہوگئے ہیں۔

وزارت نے ایک بیان میں کہا ہے کہ افغان قومی دفاع و سکیورٹی فورسز (اے این ڈی ایس ایف) نے ضلع نہرین کے علاقہ شہرِ کھنہ اور بغلان ۔ سمنگان صوبائی شاہراہ کے ساتھ چشمہ شیر کے علاقہ میں گزشتہ رات طالبان کے ٹھکانوں پر حملہ کیا جس میں 5 طالبان ہلاک جبکہ 9 دیگر زخمی ہوگئے۔

بیان میں کہا گیا ہے کہ ہلاک ہونے والوں میں طالبان کا شیڈو ضلعی سربراہ قاری ماجد اور ڈویژنل کمانڈر قاری احسان اللہ شامل ہیں۔

طالبان دہشت گردوں نے رپورٹس پر تاحال ردعمل نہیں دیا۔