ایران کا سرکاری ٹیلی وژن ہیک: سپریم لیڈر آیت اللہ خامنہ ای کی پھانسی کا مطالبہ

تہران (ڈیلی اردو) ایران کے سرکاری براڈکاسٹنگ کارپوریشن کے ٹیلی وژن چینل کو ہیک کرکے اپوزیشن ارکان کی تصاویر نشر کیں روحانی پیشوا خامنہ ای کی پھانسی کا مطالبہ کیا گیا۔ 

14 TVs and 13 radio stations of Iran’s state broadcasting network were disrupted at 3 pm local time on Thursday, January 27, airing footage of Iranian Resistance leader Massoud Rajavi and Mrs. Maryam Rajavi#Iran #Iranprotests pic.twitter.com/fzZ95F1e0P

— NCRI-FAC (@iran_policy) January 27, 2022

عالمی خبر رساں ادارے کے مطابق ایران کے سرکاری ٹیلی وژن پر اچانک حکومت مخالف عوامی مجاہدین گروپ کے رہنما مسعود رضوی اور ان کی اہلیہ مریم رضوی کی تصاویر نشر کی گئیں۔

اسی دوران سرکاری چینل میں ایک کارٹون بھی دکھایا گیا جس میں روحانی پیشوا خامنہ ای کو سرعام پھانسی دینے کا مطالبہ کیا گیا تھا جب کہ پس پردہ ایک شخص کی آواز بھی سنائی دیتی ہے جو مسعود رضوی زندہ باد اور خامنہ ای مردہ باد کے نعرے لگا رہا ہے۔

مجاہدینِ خلق تحریک نے سرکاری ٹیلی وژن ہیک ہونے اور اپنے رہنما کی تصویر نشر ہونے پر کوئی تبصرہ نہیں کیا تاہم سوشل میڈیا پر ایک اکاؤنٹ سے ہیکرز نے ایرانی سرکاری ٹی وی کو ہیک کرنے کا اعتراف کیا گیا۔

ادھر ایران کے سرکاری چینل کی جانب سے جاری بیان میں کہا گیا ہے کہ چینل کو 10 سیکنڈ کے لیے ہیک کیا گیا۔ سخت سیکیورٹی اور بروقت ردعمل کے باعث فوری طور پر چینل کا کنٹرول حاصل کرلیا گیا۔